Тэрытарыяльны цэнтр сацыяльнага абслугоўвання насельніцтва Верхнядзвінскага раёна

Фізкультурна-аздараўленчае мерапрыемства ў рамках Дня інвалідаў Рэспублікі Беларусь «На спартыўнай хвалі»

Праграма мерапрыемства была даволі насычанай. Камандам былі прапанаваны конкурсы з бегам скачкамі, эстафеты з мячамі, абручамі, клюшкамі, дзе яны змаглі праявіць свае спартыўныя здольнасці.

Спартыўны запал і жаданне дамагчыся перамогі для сваёй каманды захоплівалі рабят настолькі, што яны не заўважалі таго, што адбываецца вакол. Усе стараліся з усіх сіл прыйсці да фінішу першымі.

Удзельнічаючы ў мерапрыемстве ўсе ўдзельнікі змаглі адчуць сябе вялікай спартыўнай, адзінай сям'ёй! На спартыўнай пляцоўцы панавалі смех, шум і весялосць.

Спаборніцтвы сталі сапраўдным святам спорту і здароўя!