Тэрытарыяльны цэнтр сацыяльнага абслугоўвання насельніцтва Верхнядзвінскага раёна

Урачыстае мерапрыемства, прысвечанае Дню работнікаў сацыяльнай абароны

Урачыста і цёпла супрацоўнікаў Верхнядзвінскага ТЦСАН павіншавалі з прафесійным святам, а таксама ўручылі падзякі і граматы ганаровыя госці мерапрыемства:

- намеснік старшыні Верхнядзвінскага райвыканкама Наталля Андрэева;

- начальнік упраўлення па працы, занятасці і сацыяльнай абароне Верхнядзвінскага райвыканкама Ілья Большы.

У межах правядзення ўрачыстага мерапрыемства адбыўся конкурс прафесійнага майстэрства сярод сацыяльных работнікаў «Лепшы сацыяльны работнік».

На працягу конкурсу ўдзельніцы дэманстравалі свае хобі, таленты і прафесійныя навыкі.

Аднагалосным рашэннем журы пераможцам конкурсу «Лепшы сацыяльны работнік» стала – Галіна Аляксандраўна Свірчанкава, сацыяльны работнік філіяла ТЦСАН у г.п. Асвея. Усе ўдзельніцы конкурсу сталі пераможцамі ў розных намінацыях.

Мерапрыемства – яскравае пацвярджэнне таго, што сістэма сацыяльнай абароны трымаецца на людзях, чыя дабрыня і адданасць справе служаць надзейнай апорай для тых, хто ў ёй мае патрэбу.